Camiños Fotográficos: Costa da Vela

O próximo domingo 11 de Xuño volven os Camiños Fotográficos!! Nesta ocasión achegarémonos ata Cangas do Morrazo, onde faremos unha bonita ruta pola zona da Costa da Vela. Alí teremos a oportunidade de fotografíar o Atlántico, camiñaremos xunto ó mar, pasaremos xunto a varios faros e gozaremos coas vistas dende o Monte Facho. Ademáis, durante todo percorrido, da man de Víctor Barro (Fotos con Letra), falaremos sobre técnica (tempos de exposición, o enfoque como forma de expresión, fondos desenfocados, coidados e atractivos, fotos macro…), composición e manexo da cámara/móbil, resolveremos retos fotográficos e responderemos a todas as dúbidas que poidas ter. Non é necesario ter coñecementos previos nin un tipo de cámara específico: SLDR, EVIL, Smartphone, compacta… Sen complexos, sen límites 😉

INFORMACIÓN

• Punto de encontro (10:30 h): Caracola de Donón
  • Coordenadas: Pulse Aquí 
• Lonxitude: 9 Km – Dificultade Media
• Hora aproximada de finalización da actividade: 17:00 h (podedes levar bocata para comer durante a xornada)
• Tipo de ruta: En Grupo (con paradas)
• Prazas Limitadas

A RUTA

Pola mañá faremos un bonito roteiro (uns 9 Km) bordeando a costa dende a Caracola ata os faros da zona de Cabo Home, regresando xa polo interior da ría e pasando preto da Praia de Barra. Teremos vistas estupendas dos acantilados, dos faros e do mar, mentres Victor nos dará diferentes explicacións, proporá varios xogos fotográficos e irá resolvendo todas as dúbidas que poidamos ter. Trátase dun percorrido apto para calquera persoa mínimamente acostumada a camiñar pola natureza.

Pola tarde achegarémonos ata o Monte Facho. Trátase dunha imponente elevación xusto enriba do mar na que, ademáis da panorámica que nos ofrece, veremos restos dun castro. Trátese dun punto extraordinario a nivel paisaxístico e histórico, ademáis dun estupendo enclave dende o punto de vista fotográfico. 

INSCRIPCIÓNS (15€):

• A través de [email protected] / 636085133
  • Indicar nome, apelidos e número de DNI 
  • Número de conta: ES29 2080 5261 1330 0001 8321 (Abanca) – Lembra, por favor, poñer o teu nome no concepto
• Inclúe seguros e IVA
• Prazas moi limitadas. Una vez reservada a praza disporase dun prazo máximo de 48h para realizar o pago da mesma. As cancelacións posteriores ó mércores 07 de Xuño poden supoñer a perda das cantidades aboadas (se non se atopa persoa sustituta para a praza).